საქართველო, 16 ივლისი, საქინფორმი. პოლიტოლოგი ჯუმბერ კირვალიძე:
„დღეს, ანტი–ევროპული, ანტი–ნატოური და პრო–რუსული პოლიტიკური რიტორიკა, ისეთივე ანტი–ქართულია, როგორიც პრო–ამერიკული და პრო–ნატოური პოლიტიკური რიტორიკა!
საქართველოს გეოპოლიტიკური მდებარეობიდან და დე–ფაქტო სამხედრო–პოლიტიკური მდგომარეობიდან (კონტროლიდან გასული სეპარატისტული რეგიონები და რუსული ოკუპაცია) გამომდინარე, პრო–ქართული პოლიტიკური რიტორიკაა ის, რომელიც მიმართულია ქვეყნის ტერიტორიული მთლიანობის აღდგენისაკენ, რაც შეუძლებელია განხორციელდეს დასავლეთის და რუსეთის აქტიური დიალოგის, კომპრომისის და მათ შორის გეოსტრატეგიული შეთანხმების გარეშე. საქართველოს სახელმწიფო სუვერენიტეტის და მისი ტერიტორიული მთლიანობის აღდგენა–შენარჩუნება მხოლოდ ამ შემთხვევაშია შესაძლებელი.
აი, ეს გახლავთ პრო–ქართული ვექტორი და არა ზევით ნახსენები ორი სხვა, სადაც ერთის შემთხვევაში (პრო–დასავლური), საქართველო ვერ აღიდგენს ტერიტორიულ მთლიანობას, მეტიც, შეიძლება მისი ტერიტორიული რღვევა გაგრძელდეს; და მეორე შემთხვევაში (პრო–რუსული), საქართველო გახდება რუსეთზე დამოკიდებული "ვასალიტი",
საქართველო და ქართველი ხალხი დიდი ევროპული ოჯახის განუყოფელი ნაწილია (ხმელთაშუა ზღვის ცივილიზაცია), კულტურით, სარწმუნოებით, მენტალიტეტით და ევროპა "ვერსად წაგვივა", მაინც "იქ ვიქნებით"... აი, თუ ისევ, სულსწრაფობა და სიბრიყვე გამოვავლინეთ, მაშინ ჩვენს ძირძველ ტერიტორიებთან ერთად, სუვერენიტეტსაც დავკარგავთ და მომავალი განვითარების პერსპექტივასაც!
P.S. ჩვენი ხელისუფლება კი, რას სჩადის?! დასავლეთის მიმართულებით მთელი "არმიაა გადასროლილი", ხოლო რუსთის მიმართულებით, ერთი "უარმიო სარდალი", ბ–ნი აბაშიძის სახით... ეტყობა, რომ ხელისუფლებაში არ ესმით და არ იციან, თუ რა მოიმოქმედონ და რაში მდგომარეობსპროქართული" პოლიტიკის არსი და რაობა.