საზოგადოება
მთავარია, შეწყალების პროცედურების რეფორმირება დროში გაჭიანურებული პროცესი არ იყოს - თეა წულუკიანი

 საქართველო, 19 სექტემბერი, საქინფორმი. მთავარია, შეწყალების პროცედურების რეფორმირება დროში გაწელილი პროცესი არ იყოს, – ამის შესახებ იუსტიციის მინისტრმა თეა წულუკიანმა განაცხადა.

მისი თქმით, იუსტიციის სამინისტრო მზად არის, პარლამენტთან ერთად ჩაერთოს ამ პროცესში.

ძალიან ბევრი ინფორმაცია და კომპეტენციები იმასთან დაკავშირებით, თუ როგორი უნდა იყოს სამართლიანი შეწყალების სისტემა, ინახება სწორედ პენიტენციურ სისტემაში და იმ პროფესიონალებში, ვინც ამ სისტემას ემსახურება. ამიტომ ჩვენი მხრიდანაც ვპასუხობთ, რომ არის მზაობა, ვიყოთ ამ რეფორმის პროცესში ჩართული“, – განაცხადა თეა წულუკიანმა.

საქართველოს პრეზიდენტმა სალომე ზურაბიშვილმა გუშინ მსჯავრდებულთა შეწყალებაზე მორატორიუმი გამოაცხადა. როგორც მან აღნიშნა, წესები, რომელიც შეწყალებას ეხება, უნდა გადაიხედოს და შემუშავდეს პარლამენტში სამუშაო ჯგუფის მიერ.