საქართველო, 3 დეკემბერი, საქინფორმი.

       ძვირფასო თანამოქალაქეებო!

   უპირველეს ყოვლისა, მხარდაჭერის გულითადი სიტყვებისთვის მადლობა ყველას, ნაცნობებსა და უცნობებს, რომლებმაც ბოლო ორი კვირის განმავლობაში დამირეკეს ან მომწერეს ფეისბუქზე - თქვენი დადებითი მუხტის წყალობით, დღეს ცოტა უკეთ ვარ!

   დანაშაულებრივი სიცრუის ნაკადზე დაკვირვებით, რომელიც დღეს სატელევიზიო ეკრანებიდან გადმოედინება საქართველოს მოსახლეობაზე, მინდა რამდენიმე მარტივი რჩევა მოგცეთ, რათა არ მოგატყუონ და იმ ჯოჯოხეთში არ დაიწვათ, რომელიც მე გადავიტანე. და მხოლოდ იმის წყალობით, რომ ვმოქმედებდი მედიცინაში მხოლოდ საკუთარი გარკვეული გამოცდილების საფუძველზე, სიტუაციის რეალური შეფასებით, ახლო მეგობრების - ექიმების რჩევებითა და გავლენიანი ნაცნობების დახმარებით, მე დღეს ცოცხალი ვარ და მაქვს შესაძლებლობა მოგმართოთ.

მაშ, ასე:

1. თუ ავად გახდით, რა თქმა უნდა, დარეკეთ ყველა რეკომენდებულ „ცხელ ხაზზე“, მაგრამ ერთი წუთითაც ნუ დაეყრდნობით მათ! მხოლოდ გუშინ, როდესაც ორი კვირის შემდეგ ცოტა მოვსულიერდი (20 ნოემბრის შემდეგ - სიცოცხლისა და სიკვდილის ზღვარზე, დღეში ორჯერ გონების დაკარგვით, თითქმის დავამარცხე კორონავირუსი), პირველად დამირეკა ე.წ. "ოჯახის ექიმმა", რომელმაც თქვა, რომ იცის - "მე მაქვს ნეგატიური ტესტი (?!), ანუ მე არ მაქვს კორონავირუსი(?!) და რომ ის მხოლოდ იმის გასარკვევად რეკავს - "როგორი სატურაცია მაქვს"(?!). ვაღიარებ, არც ისე კულტურულად ვუპასუხე...

სამაგიეროდ, ზოგჯერ მირეკავდნენ ვიღაც გოგონები "ჯანდაცვის სამინისტროს მონიტორინგის სამსახურიდან", რომლებიც მეკითხებოდნენ - „რამდენად ხშირად მირეკავს ოჯახის ექიმი"? გამუდმებით ვპასუხობდი, რომ არასდროს დაურეკავს, რაზეც ჯანდაცვის სამინისტროს Facebook–გვერდზე, გაზეთ "ასავალ-დასავალში" და საქინფორმზე წერია. ყოველ ჯერზე მესმოდა მორიგი პასუხი - "მადლობა!" - და ისინი ყურმილს კიდებდნენ.

2. თუ სიკვდილი არ გსურთ, არავითარ შემთხვევაში არ დათანხმდეთ საავადმყოფოში გადაყვანაზე, და მით უმეტეს, COVID–სასტუმროში, საიდანაც ვითომდა ტესტებზე, ანალიზებზე და კომპიუტერულ ტომოგრაფიაზე გატარებენ! თქვენი მდგომარეობა ამ უაზრო ტრანსპორტირებაში გაუარესდება და გზაში მოგკლავენ! საავადმყოფოში კი ხელოვნურ სუნთქვაზე გადაგიყვანენ, რათა თავი ზედმეტად არ შეიწუხონ! მაგრამ აპარატიდან უკვე აღარ მოგხსნიან - მარტო გათიშავენ, როცა სულს დალევთ! საქართველოში ეს კარგად ცნობილი პრაქტიკაა – ჩვენში არ იციან როგორ მოგხსნან აპარატიდან, ამისათვის ინდივიდუალური პროტოკოლის შედგენის ცოდნაა საჭირო! აპარატზე ხშირად აერთებენ ყოველი შემთხვევისთვის, პასუხისმგებლობის თავიდან ასარიდებლად! გახსოვდეთ - საქართველოში აპარატზე მიერთებული ადამიანები სახლშიჩვეულებრივ ცოცხლები არ ბრუნდებიან, მით უმეტეს – კორონავირუსის დროს, როდესაც ისედაც აკლიათ მედპერსონალი!

3. ნახეთ - როგორ გამოიყურება ჩემი ხელი 10 დღის შემდეგ (პირველ დღეებში ის მთლიანად შავი იყო), როდესაც სისხლი ამიღეს, რომლის აღებაც ძალიან ცოტამ იცის. საავადმყოფოებში გამოცდილი მედდების კრიტიკული ნაკლებობაა, ბევრი ავად არის.

4. არავითარ შემთხვევაში არ შემოწმდეთ სწრაფ ტესტებზე - სამჯერ ჩავაბარე, ყველა მათგანმა უარყოფითი შედეგი აჩვენა - აქაოდა, პირველი ხაზიც კი ძლივს შეფერადებულა, გილოცავთ - აბსოლუტურად ჯანმრთელი ბრძანდებითო! არ დაურეკოთ ამ სამედიცინო სამსახურებს, მომრავლებულ სერვისებსა და მობილურ ლაბორატორიებს, არ დათანხმდეთ „სასწრაფოთი” სწრაფი ტესტის ჩასაბარებლად წაყვანას, ნუ ცდუნდებით 15 წუთში პასუხის მიღებით! ეს არის ბლეფი და დიდი კორუფციული შეთქმულების ნაწილი! მხოლოდ PCR – ტესტი, რომელიც იძლევა პასუხს მინიმუმ 12 საათის შემდეგ, და მაშინაც კი სწორი პასუხის 100% გარანტიაა - მხოლოდ სისხლის ანალიზების გათვალისწინებით!

5. ნუ დაკარგავთ დროს - იმკურნალეთ საკუთარი სახსრებით, თუ არ გაქვთ - ისესხეთ! ლარის ექვივალენტში მინიმუმ 1 000 (ათასი) დოლარი გჭირდებათ (სისხლის ანალიზი - სამჯერ, კომპიუტერული ტომოგრაფია - ორჯერ, PCR–ტესტი - ერთხელ, ჟანგბადის აპარატი და მედიკამენტები). ჯერჯერობით არ ვიცი რა ჯდება ნარჩენი მოვლენების მკურნალობა, თუმცა, ისინი ალბათ მექნება, როგორც ვირუსგადანალითა უმრავლესობას.

6. და უმთავრესი: იპოვეთ კარგი ექიმი-ინფექციონისტი, ასევე კარდიოლოგი და თერაპევტი! ამაში ძალიან გამიმართლა - და არა იმიტომ, რომ ეს ერთი თეთრიც არ დამიჯდა! უმაღლეს პროფესიონალიზმს ვგულისხმობ. მყავს უაღრესად გამოცდილი უბნის ექიმი, რომელიც მთელ ჩემს ოჯახს რამდენიმე ათწლეულის განმავლობაში მკურნალობს და რომელსაც მთელი ქალაქი იცნობს. მეგობრის დახმარებით მივაგენი მოწინავე, ზედმიწევნით განათლებულ ინფექციონისტს, რომლის პირველი სიტყვებიდან ვიგრძენი ნამდვილი ექიმი, მაღალი ინტელექტითა და მორალური თვისებებით, შემთხვევითი როდია, რომ მისი ყველა დანიშნულება დაემთხვა რაიონის ექიმის დანიშნულებებს. დაბოლოს, ჩემი ძველი მეგობრები არიან საქართველოში ერთ–ერთი საუკეთესო კარდიოლოგი და ერთ–ერთი საუკეთესო რეანიმატოლოგი.

7. დასასრულ: გაიდლაინში მითითებული წამლები, თუ თანმხლები განსაკუთრებულად მძიმე დაავადებები არ გაქვთ, სრულებით საკმარისია. ნუ დაეყრდნობით, მაინც და მაინც, "რემდესივირს" (ხელოვნური სუნთქვის აპარატზე გადაყვანას კი ჯობია, თანაც ქართველ ელიტას ხანდაზმული ასაკისა და მძიმე თანხლები დაავადებების გამო "რემდესივირისგან"გართულებები ნაკლებად აწუხებს). და ნუ დაელოდებით უცხოურ ვაქცინას, რომელის შემოტანასაც საქართველოში 2021 წლის მარტ-აპრილში გვპირდებიან! ხალხის - სახელმწიფო ბიუჯეტის ფულს ისევ ფუჭად ატანენ ქარს! ჯერჯერობით არცერთი ვაქცინის გაკეთება არ შეიძლება! შესაძლოა, ადამიანის გენზე დამზადებული რუსული ვაქცინები, რომლებიც, თუ ეს ბიზნეს-რეკლამა არ არის, 95% ეფექტიანობით გამოირჩევა, გაამართლონ კიდევაც, მაგრამ ჯერჯერობით არავინ იცის - მეორე აცრა პირველიდან მხოლოდ ორ კვირაში, თუ ერთი თვის შემდეგ კეთდება. ხოლო 50%–იანი ეფექტიანობის, მაიმუნების გენზე დამზადებული ამერიკული თუ ინგლისური ვაქცინებით დაე, მინისტრი ტიკარაძე და გაპიარებული ქართველი ინფექცინისტები - მთავარი კლინიცისტები თავად აიცრან!

   P. S.

   კორონავირუს გადატანილები თავს ნუ დაიიმედებთ, რომ ამიერიდან სამუდამო იმუნიტეტი გაქვთ! პირიქით, ანტიბიოტიკებმა ის იმუნიტეტიც გაანადგურეს, რომელიც ადრე გქონდათ, ამიტომ მუდმივად იქნებით განსაკუთრებული რისკის ზონაში!

ყველას ჯანმრთელობას გისურვებთ!
არნო ხიდირბეგიშვილი