სამართალი
აქტივისტები - პოლიციამ რუსთაველის გამზირის საავტომობილო ნაწილის გათავისუფლება და სცენის დაშლა მოსთხოვა, რაც მიუღებელია
საქართველო, 1 მარტი, საქინფორმი. შინაგან საქმეთა სამინისტროს წარმომადგენლებმა პარლამენტის წინ აქციის მონაწილეებს გზის სავალი ნაწილის გათავისუფლება და სცენის დაშლა სთხოვეს.
ადგილზე შეკრებილი აქტივისტების განცხადებით, პოლიციელთა თხოვნაზე უარს აცხადებენ და პროტესტის გაგრძელებას დილამდე გეგმავენ.
"აქ არის უწყვეტი მუსიკა, გამოხატავენ პროტესტს მუსიკოსები, რომელსაც უერთდებიან მოქალაქეები და ეს პროტესტი გაგრძელდება, როგორც დაგეგმილი იყო. ამ გეგმაში ცვლილება არ შევა. პოლიციის სურვილია, რომ გზა გათავისუფლდეს და პროტესტი შეწყდეს, თუმცა ჩვენთვის ეს მიუღებელია. მათი გაფრთხილება ეხებოდა უშუალოდ სცენას, რომელიც გზის მარცხენა მხარეს არის განთავსებული”, - აღნიშნა ერთ-ერთმა აქტივისტმა, გიორგი მჟავანაძემ.
