არნო ხიდირბეგიშვილი - გრიგოლ ლილუაშვილს: საქართველოსთვის მთავარი გამოწვევა არა რუსული ოკუპაცია, არამედ სააკაშვილის დაბრუნებაა!

რედაქტორისგან

საქართველოს საინფორმაციო–ანალიტიკური სააგენტო "საქინფორმი"–ს მთავარი რედაქტორი არნო ხიდირბეგიშვილი ეკითხება საქართველოს სახელმწიფო უსაფრთხოების სამსახურის უფროს გრიგოლ ლილუაშვილს - რას ნიშნავს სიტყვა "გამოწვევა"?

2021 წლის 29 აპრილს, როდესაც კრემლი რუსეთის არამეგობრული ქვეყნების ჩამონათვალს ადგენდა, საქართველოს პარლამენტმა მოისმინა სახელმწიფო უსაფრთხოების სამსახურის ყოველწლიური ანგარიში, რომელიც ტრადიციულად ეძღვნებოდა ”№1 გამოწვევას” – „არამეგობრული, მტრულად განწყობილი” რუსეთის „რუსულ ოკუპაციას”, თუმცა რუსეთი არ აპირებს საქართველოს არამეგობრული ქვეყნების ჩამონათვალში შეყვანას - იცის კი ამის შესახებ სუს-მა?

პირიქით, რუსეთს სურს სასწრაფოდ დაარეგულიროს რუსეთ-საქართველოს ურთიერთობები, რათა დაიწყოს მოლაპარაკებები აფხაზეთის, როგორც ავტონომიური რესპუბლიკის, საქართველოს სამართლებრივ სივრცეში დაბრუნების მექანიზმებზე. ამასვე ფიქრობს ე.წ. სამხრეთ ოსეთზე. იცის კი სუს-მა მოსკოვს, სოხუმსა და ცხინვალს შორის არსებული პრობლემების შესახებ? რასთან დაკავშირებითაც, შესამჩნევია ანტირუსული, ასევე ანტისომხური, განწყობების ზრდა აფხაზებში, მაგრამ არა მეგრელ მოსახლეობაში?

იცის თუ არა სუს–მა, რომ რუსეთი მზადაა დაიწყოს მოლაპარაკებები აფხაზეთის სტატუსზე საქართველოს შემადგენლობაში ერთადერთი პირობით - სააკაშვილი ხელისუფლებაში არ უნდა დაბრუნდეს?

გამოკითხვათა შედეგების თანახმად, საქართველოს მოქალაქეთა უმრავლესობა ამჯობინებს აფხაზეთისა და სამაჩაბლოს დაბრუნებას - საქართველოს ნატოსა და ევროკავშირში გაწევრებას. მზად არის კი „ქართული ოცნების“ ხელისუფლება შეასრულოს ქართველი ხალხის ნება? რატომ არ არის ამის შესახებ ნათქვამი ერთი სიტყვაც კი სუს-ის ანგარიშში?

იცის თუ არა სუს–მა, რომ რუსეთს არ სურს კავკასია მეგობრებად და მტრებად დაყოფა "2 + 1" ფორმულით (მეგობრები სომხეთი და აზერბაიჯანი + მტერი საქართველო), რადგან იმედოვნებს, რომ "კავკასიური პლატფორმის" პრეზენტაციამდე მოასწრებს საქართველოსთან ურთიერთობების აღდგენას, რათა "3 + 3" ფორმულით (საქართველო, სომხეთი, აზერბაიჯანი + რუსეთი, თურქეთი, ირანი) საქართველო აღმოჩნდეს მისი მფარველობის ქვეშ, და არა თურქეთის სექტორში?

ამ ვითარების გათვალისწინებით, რამდენად პოლიტიკურად გამართლებული იყო სუს–ის ანგარიშის მოხსენება რუსეთისთვის არამეგობრული ქვეყნების ჩამონათვალის შედგენისთვის დაემთხვიათ? "გავრილოვის ღამე" დაამთხვიეს ხელმოსაწერად გამზადებულ ბრძანებულებას "საქართველოსთან სავიზო რეჟიმის გაუქმების შესახებ", "პოზნერის ღამე" - "საქართველოსთან პირდაპირი ფრენების აღდგენის შესახებ" ხელმოსაწერად გამზადებულ ბრძანებულებას. სუს–ის მოხსენებაში რატომ არაფერია ნათქვამი, თუ ვინ მოახდინა ამ "ღამეების" პროვოცირება, ქართული ეკონომიკა ნოკდაუნში რომ ჩააგდეს? ეკონომია, რომლითაც ქართველები აპირებდნენ აფხაზებისა და ოსების მოხიბლვას? ნუთუ ეკონომიკის, საბოტაჟის, დივერსიისა და გადატრიალების მცდელობები უკვე არ წარმოადგენს "გამოწვევას" სახელმწიფო უსაფრთხოებისთვის?! ბევრად უფრო სერიოზულ საფრთხეს, ვიდრე მერიისა და გამგეობის ჩინოვნიკები, რომლებიც სუს–ი იჭერს გროშიანი ქრთამებისთვის, როგორც „უცხოეთის დაზვერვის პოტენციურ აგენტებს“, რადგან, თურმე, მათი დაშანტაჟება - გადაბირება იოლია?! ნუთუ სუს–ში არაფერი სმენიათ „როდიონოვის ღამის“ შესახებ, რომელმაც ცხინვალი და სოხუმი თბილისს დააშორა?!

სუს–ის ანგარიშის პირველი თავი, რომელიც დაზვერვას მიეძღვნა, დიდად არ განსხვავდებოდა გასული წლის ვერსიისგან, ხოლო მეორე თავი, რომელიც კონტრდაზვერვას ეძღვნებოდა, პრაქტიკულად ნასესხები იყო "მედიის განვითარების ფონდის" (MDF) ყოველწლიური ფეიკ-ანგარიშიდან “კრემლის პროპაგანდისა" და „რუსული რბილი ძალის" შესახებ (MDF- ს თავმჯდომარეა კინწურაშვილი, რომელიც სააკაშვილის პრეზიდენტობისას საქართველოს საზოგადოებრივ მაუწყებელს ხელმძღვანელობდა, ახლა კი Facebook- ის ქართული სეგმენტის ოფიციალური ცენზორია). ამიტომ ხომ არ არის, რომ სუს– ის მოხსენებაში ერთი სიტყვაც არ არის ნახსენები სიტყვის თავისუფლების შეზღუდვის, მავნებლობისა და ძირგამომთხრელი პროპაგანდის შესახებ, რომელსაც MDF– ი ახორციელებს ფეიკ-ტელეკომპანიებთან – „მთავარი არხი“, „პირველი“, „რუსთავი 2“, „ფორმულა“, „კავკასია“ - ერთად? და მხოლოდ ერთხელ სუს–ის უფროსმა ხმადაბლა ახსენა "საოკუპაციო ხაზის გასწვრივ ტერიტორიებზე აქტივისტთა დაუფიქრებელ ქმედებებთან დაკავშირებით გაზრდილი რისკები " (იგულისხმება პროვოკატორი ქაცარავა და მისი "ანტისაოკუპაციო მოძრაობა”, რომელსაც სააკაშვილი აკონტროლებს).

და რამდენად ადეკვატური იყო ტერმინი "ანექსია" ანგარიშის დასაწყისში, თუმცა რუსეთის ფედერაციას არ შეუერთებია აფხაზეთისა და ცხინვალის რეგიონის ტერიტორიები? თუ რუსეთი მართლაც განახორციელებს ანექსიას, შემდეგ რას უწოდებს ამას სუს–ი?! რუსეთს აფხაზეთის ტერიტორიის ანექსირება რომ სდომებოდა, არ დაიწყებდა აფხაზეთთან საზღვრის დემარკაციას. რატომ არ არის ცნობილი სუს–ის უფროსისთვის, რომ რუსეთის ფედერაციამ აფხაზეთის მონაკვეთზე რუსეთ-საქართველოს საზღვრის დემარკაცია დაიწყო?!

სუს-ის ანგარიშში „გამოწვევად“ არის შეფასებული მოსკოვის მოწოდება თბილისისადმი, აფხაზებსა და ოსებთან პირდაპირი დიალოგის განხორციელებასთან დაკავშირებით - აქაოდა, რუსეთს სურს თავი აარიდოს ყველანაირ პასუხისმგებლობას და პირისპირ შეგვატოვოს! და თუ მოსკოვი ხელს შეუშლიდა საქართველოს ხელისუფლების პირდაპირ დიალოგს "აფხაზ და ოს ძმებთან", ნუთუ ეს სუს–ის დადებით შეფასებას დაიმსახურებდა?!

რატომ არის უცნობი სუს–თვის, რომ მოხსენებაში მოყვანილი ერთადერთი "კონკრეტული ფაქტი" - ის, რომ რუსეთმა, თითქოსდა, აიძულა აფხაზეთი, უზრუნველყოს რუსებისთვის გამარტივებული პროცედურა აფხაზეთის მოქალაქეობის მისაღებად და აფხაზებთან თანაბარი უფლებები უძრავი ქონების შეძენისას - ყალბი ინფორმაციაა? აფხაზეთის "პარლამენტმა" არ მიიღო ბჟანიას მიერ სელმოწერილი კანონპროექტი, სამაგიეროდ, თურქეთის მოქალაქეებს, რუსებისგან განსხვავებით, პრობლემები არ აქვთ არც აფხაზეთის მოქალაქეობის მიღებასთან, არც უძრავი ქონების შეძენასთან და არც აფხაზეთში ბიზნესის გახსნასთან დაკავშირებით! როგორ აფასებს ამ ფაქტს სუს–ი - როგორც "გამოწვევას" თუ მადლს?

ფრაზები ანგარიშიდან: ”ჰიბრიდული საომარი მანქანის მქონე მტერი–სახელმწიფოს არამეგობრულად განწყობილი წარმომადგენლები და მათი საფარქვეშ მყოფი პირები, საქართველოს მოსახლეობის 90%-სთვის შეუმჩნევლად, ახორციელებენ ძირგამომთხრელ საქმიანობას”; ”სახელდახელოდ შექმნილი საინფოემაცია სააგენტოები და ფეისბუქ-გვერდები ახორციელებენ რუსეთის სპეცსამსახურების დეზინფორმაციულ ომს ქართველი საზოგადოების პოლარიზაციის მიზნით, როგორც აშშ-ში”; ”კიბერსაფრთხეები და ტროლები, რომლებიც კონტროლდება მტრულად განწყობილი რუსეთის ტერიტორიიდან”; ”საინფორმაციო ომი უახლესი საინფორმაციო ტექნოლოგიებისა და ონლაინ–აპლიკაციების გამოყენებით” - ნუთუ ამ ყველაფერს სჩადის რუსეთი, რომელმაც ამავე დროს ფართოდ გახსნა უძირო რუსული ბაზარი ქართული ექსპორტისთვის?! რუსეთი, რომელიც - ერთადერთი! - ამარაგებს საქართველოს ხორბლით?!

თუ სუს–ის ანგარიში შედგენილი იქნა საქართველოს დასავლელი პარტნიორებისათვის, დამატებითი სახსრების მისაღებად ჩვენი ქვეყნის სახელმწიფო უსაფრთხოების გაძლიერების მიზნით და დოკუმენტის წერილობითი ვარიანტი შეიცავს კონკრეტულ ფაქტებს, დაიტოვეთ ის შიდა მოხმარებისთვის და დადეთ გრიფი "სრულიად საიდუმლოდ"! მითუმეტეს, რომ ქართველი პარლამენტარების დენადობა უმრავლესობიდან ოპოზიციაში და პირიქით ძალიან მაღალია… სახელმწიფო უსაფრთხოების ინტერესებიდან გამომდინარე, მე ამ პუბლიკაციის რუსულად თარგმნაც არ მინდოდა, მაგრამ შემდეგ გამახსენდა, რომ რუსეთში მილიონი ქართველია და, შესაბამისად, ბევრი მთარგმნელიც...

რამდენად მიზანშეწონილია სუს–ის ანგარიშის საჯარო ფორმა - დეკლარაციული, ფაქტობრივი მასალის გარეშე, რაც იწვევს უნდობლობას, ჭორებსა და სპეკულაციებს? ქვეყნის მთავარი ტრიბუნიდან ასეთი რამის განცხადება მტკიცებულებების გარეშე ეთნიკური სიძულვილის გაღვივებაა ეთნიკურ რუსებსა და ქართველებს შორის, რომლებსაც, როგორც საზოგადოებრივი აზრის ყველა ბოლოდროინდელმა გამოკითხვამ აჩვენა, ენატრებათ უწინდელი მეგობრობა - რუსების მხოლოდ 8% არის ნეგატიურად განწყობილი საქართველოს მიმართ! და რისკენ მოუწოდებენ ქართველებს ანგარიშში - უთვალთვალონ ერთმანეთს, მეგობრებსა და მეზობლებს, რომელთა შორისაც შეიძლება რუსი აგენტები იმალებოდნენ?! ნუთუ 1937 წელი დაბრუნდა საქართველოში?! თითოეულმა პატრიოტმა, რომელსაც სჯერა მთავარი ქართული სპეცსამსახურის უფროსის სიტყვების, ლოგიკურად ავტომატი უნდა აიღოს ხელში და რუსებთან საბრძოლველად გაემართოს! იქნებ ცოტა გადააჭარბეთ, ბატონო ლილუაშვილო?!

სამაგიეროდ, ანგარიშიდან შევიტყვეთ, რომ ”სუს–ის 8 ათასი პოზიტიური და 200 ნეგატიური დასაბუთებული რეკომენდაცია საქართველოს მოქალაქეობის მინიჭებისა და, შესაბამისად, უარის თქმის შესახებ” ემყარებოდა ”საქართველოს პარტნიორების საინფორმაციო ბაზის მონაცემებს”. მაგრამ ვერ შევიტყვეთ, ვინ არიან ეს "რაციონალური ქართველი ექსპერტები, რომლებსაც აქვთ საკუთარი ხედვა სახელმწიფო უსაფრთხოების მშენებლობის შესახებ, და რომლებთანაც სუს–ი შესანიშნავად თანამშრომლობს – აწვდის ინფორმაციებს „გამოწვევების“ შესახებ, რათა მათ ეს თავის შემდგომ განცხადებებში გამოიყენონ“.

მე, არნო ხიდირბეგიშვილი, არ მივეკუთვნები იმ რჩეულ "ექსპერტების" რიცხვს, რომლებიც სუს–ის ინფორმაციას საკუთარ პროგნოზებად ასაღებს, მაგრამ მეც მაქვს საკუთარი ხედვა საქართველოს სახელმწიფო უსაფრთხოების წინაშე მდგომი"გამოწვევების" შესახებ და ისინი დიამეტრალურად განსხვავდება სუს–ის ბოლო ანგარიშში ჩამოთვლილი "გამოწვევებისგან”.

მაგალითად, დარწმუნებული ვარ, რომ ჩვენი ქვეყნის უსაფრთხოებისთვის დიდი "გამოწვევაა" თეოლოგები - ათეისტები, რომლებიც ზემოხსენებული ტელეკომპანიების ეთერში მართლმადიდებლობის რევიზიას ცდილობენ და კათოლიკოს-პატრიარქ ილია მეორეს აკრიტიკებენ. განა არსებობს იმაზე მეტი საფრთხე, ვიდრე ღვთის რისხვაა, რომელიც აუცილებლად დაგვატყდება თავს, თუ სუს–ი არ აღკვეთს მათ პროვოკაციულ საქმიანობას?!

არანაკლებ საფრთხეს წარმოადგენს ანტირუსული პროპაგანდა და აგიტაცია - მაგალითად, რუსული ვაქცინების წინააღმდეგ. განა კორუმპირებული მაღალჩინოსნების წყალობით პანდემიის პირობებში მსოფლიოში ყველაზე უსაფრთხო ვაქცინების გარეშე დარჩენილი ერის ჯანმრთელობისთვის შექმნილი საფრთხე არ წარმოადგენს „გამოწვევას“ სახელმწიფო უსაფრთხოებისთვის?! სამი რუსული ვაქცინის უპირატესობა ის არის, რომ მათ არ აქვთ გვერდითი მოვლენები, ვაქცინაციისთვის მათი გამოყენება ყველგან შეიძლება, ისინი ჩინურზე იაფია და თითქმის 100% -ით ეფექტიანია, არ შეიცავს შიმპანზეს გენებსა და მკვდარი ჩვილების პლაზმას. და მთავარი უპირატესობა - "Sputnik V" - ით ვაქცინაციის შემდეგ, შემდგომში შესაძლებელია აცრა მსოფლიოში არსებული ნებისმიერი ვაქცინით, ხოლო ვინც აცრილია, მაგალითად, „Pfizer“–ის ვაქცინით, მუდმივად მოუწევს აცრა იმავე ვაქცინით! ანუ სიცოცხლის ბოლომდე ხდება pfizerდამოკიდებული, „Pfizer“– ის მწარმოებლებზე დამოკიდებული! რატომ არ იკვლევს ჩვენი სუს–ი ინფექციონისტთა საქმეს?! თუ ქართველ "ჩეკისტებს" ლუგარის ლაბორატორიაში არ უშვებენ?!

და განა უფრო სერიოზული საფრთხე ემუქრება სახელმწიფო უსაფრთხოებას, ვიდრე თურქული ინტერვენცია, რომელიც დაწვრილებით არის აღწერილი „ასავალ-დასავალში“ გამოქვეყნებულ ანალიტიკურ პუბლიკაციაში, რომლის დაწერისკენაც მიბიძგა ახალმა თურქულმა ანიმაციურმა ფილმმა საქართველოს ანექსიის შესახებ, რომელიც რატომღაც საქართველოს სახელმწიფო უსაფრთხოების სამსახურის ყურადღების მიღმა დარჩა?! დაკავშირებულია თუ არა ამ პროცესებთან სააკაშვილის დედა – თურქოლოგი გიული ალასანია, მეამბოხე ფეტულა გიულენის მეგობარი და საქმიანი პარტნიორი? რატომ არაფერია ნათქვამი ამის შესახებაც მოხსენებაში?

თუმცა დღეს საქართველოსთვის მთავარ გამოწვევად რჩება სააკაშვილის სავარაუდო დაბრუნება, რომელმაც გასულ კვირას გაასაჩივრა ქათული სასამართლოს საბრალდებო დასკვნები სტრასბურგში. კაცობრიობის წინააღმდეგ სამხედრო დანაშაულთან დაკავშირებით ბრალდება მას არ წაეყენა საქართველოს ამჟამინდელი ხელისუფლების გამოისობით - 2008 წლის აგვისტოს ომის გარემოებების შემსწავლელმა საპარლამენტო კომისიამ არსებობა შეწყვიტა ისე, რომ მუშაობა არც დაუწყია! სააკაშვილის მიერ საქართველოში ორგანიზებული ჩეჩნური ტერორისტული ჯგუფის საქმესაც მსვლელობა არ მიეცა. დარჩა მხოლოდ რამდენიმე უმნიშვნელო ბრალდებაა, რომლებიც სადაცაა გაცამტვერდება სტრასბურგის სასამართლოში! ხოლო რას ჩაიდენს თბილისში ჩამოსული სააკაშვილი, ძნელი წარმოსადგენია...

მზად არის თუ არა საქართველოს სუს–ი უპასუხოს ამ "გამოწვევას"? თუ - კი, მაშინ რატომ კრინტი არ დაძრულა ამის შესახებ ანგარიშში?! რატომ დუმს სუს–ი – რა როლს ასრულებს კა–გე–ბე-ს გენერალი თემურ ალასანია თავისი დისშვილის დაბრუნებაში?! ან იქნებ სუს–ი საერთოდ არ მიიჩნევს სააკაშვილის დაბრუნებას "გამოწვევად" და თუ იგი კვლავ სათავეში ჩაუდგება ხელისუფლებას, გააგრძელებს საქართველოს დაცვას "რუსული ნარატივისგან", ვითომც არაფერი მომხდარა?!