საქართველო, 28 სექტემბერი, საქინფორმი.

№370/26, აზერბაიჯანის რესპუბლიკის საგარეო საქმეთა სამინისტროს განცხადება საქართველოს საპატრიარქოს განცხადებასთან დაკავშირებით აზერბაიჯანის ტერიტორიაზე მდებარე ქურმუხის ტაძრის შესახებ

2026 წლის 25 სექტემბერი, 15:21

საქართველოს საპატრიარქოს ბოლოდროინდელი გამონათქვამები აზერბაიჯანის ტერიტორიაზე მდებარე ქურმუხის ტაძართან დაკავშირებით ეწინააღმდეგება აზერბაიჯანსა და საქართველოს შორის არსებულ მეგობრობის, პარტნიორობისა და კეთილმეზობლური ურთიერთობების სულისკვეთებას.

მიუღებელია აზერბაიჯანის ტერიტორიაზე მდებარე გეოგრაფიული და ისტორიული ტოპონიმების სხვა სახელებით მოხსენიება.

აზერბაიჯანი ყოველთვის პატივს სცემდა საქართველოს ტერიტორიულ მთლიანობასა და სუვერენიტეტს. ამავდროულად, ქართული მხარის მიერ აზერბაიჯანის ტერიტორიული მთლიანობისა და სუვერენიტეტის მიმართ იგივე პატივისცემის გამოვლენა წარმოადგენს ორ ქვეყანას შორის დამყარებული სტრატეგიული პარტნიორობის ურთიერთობების მნიშვნელოვან საფუძველს.

სწორედ ამ თვალსაზრისით არის გაუგებარი საქართველოს საპატრიარქოს მიდგომა, რომელიც გულისხმობს ტერიტორიულ პრეტენზიებს აზერბაიჯანის ტერიტორიული მთლიანობისა და სუვერენიტეტის მიმართ.

მნიშვნელოვანია, რომ რელიგიურმა ინსტიტუტებმა თავი შეიკავონ ისეთი მიდგომებისგან, რომლებსაც შეუძლიათ ძირი გამოუთხარონ აზერბაიჯანისა და საქართველოს ხალხებს შორის საუკუნეების განმავლობაში ჩამოყალიბებულ მეგობრობისა და კეთილმეზობლობის ისტორიულ კავშირებს.

ამასთან დაკავშირებით, სომხური ეკლესიის ცნობილი მიდგომების გამეორება ან მისი გზის გაყოლა არ არის რეკომენდებული.

აზერბაიჯანის ტერიტორიაზე მდებარე ყველა ისტორიული, კულტურული და რელიგიური ძეგლი წარმოადგენს აზერბაიჯანელი ხალხისა და აზერბაიჯანის სახელმწიფოს ეროვნული მემკვიდრეობის განუყოფელ ნაწილს.