აქტუალური
IRI: მორიგი კვლევა საქართველოში
თბილისი, 24 ივლისი, საქინფორმი. საერთაშორისო რესპუბლიკურმა ინსტიტუტმა (IRI) ქვეყანაში მიმდინარე საშინაო და საგარეო პოლიტიკურ საკითხებთან დაკავშირებით კიდევ ერთი კვლევა ჩაატარა. კვლევაში ასახულია პოლიტიკური პარტიების რეიტინგებიც. პირველი პარტია, რომელთანაც „IRI“-მ კვლევის შედეგების პრეზენტაცია გამართა, „ქრისტიან-დემოკრატები“ არიან.
როგორც პარტიის ერთ-ერთმა ლიდერმა ლევან ვეფხვაძემ ჟურნალისტებს განუცხადა, კვლევის შედეგები საინტერესო და ოპტიმისტურია. თუმცა სანამ IRI შედეგებს ყველა პარტიას არ გააცნობს, ვეფხვაძეს კვლევის დეტალების დაკონკრეტება არაეთიკურად მიაჩნია. 
