სამართალი
კახაბერ ქემოკლიძე – ინციდენტების პრევენციისა და მათზე რეაგირების ჯგუფის ფორმატში
თბილისი, 26 ივლისი, საქინფორმი. ინციდენტების პრევენციისა და მათზე რეაგირების ჯგუფის ფორმატში არსებულ შეხვედრებზე შინაგან საქმეთა სამინისტროს წარმომადგენლად საინფორმაციო-ანალიტიკური დეპარტამენტის, ანალიზისა და კოორდინაციის სამმართველოს უფროსის მოადგილე კახაბერ ქემოკლიძე დაინიშნა.
ამის შესახებ ინფორმაცია შსს-ის ოფიციალურ გვერდზე გამოქვეყნდა. კახაბერ ქემოკლიძე შინაგან საქმეთა სამინისტროს მხრიდან ჟენევის მოლაპარაკებების ფორმატშიც იქნება ჩართული.
კახაბერ ქემოკლიძემ შოთა უტიაშვილი ჩაანაცვლა, რომელიც პრემიერის აპარატში საგარეო და საზოგადოებასთან ურთიერთობის დეპარტამენტის უფროსად დაინიშნა.
