საზოგადოება
შრომის ბირჟა იქმნება
თბილისი, 13 აგვისტო, საქინფორმი. უმუშევრობის პრობლემის მოსაგვარებლად საქართველოში შრომის ბირჟა იქმნება. ამის შესახებ ცნობილი გახდა დასაქმების სახელმწიფო მინისტრ პაატა ტრაპაიძისა და მისი თანამშრომლების ბიზნესმენებთან შეხვედრაზე.
დასაქმების მინისტრის მოადგილე ნიკოლოზ რამიშვილის განცხადებით, ინფორმაციის გაცვლა დამსაქმებლებსა და სამუშაოს მაძიებლებს სექტემბრის ბოლოდან ვირტუალური შრომის ბირჟის საშუალებით შეეძლებათ. ამ დროისთვის შესაბამისი ვებგვერდი ამოქმედდება.
აღნიშნული პერიოდისთვის დასრულდება მოსახლეობის საყოველთაო ანკეტირება და ინფორმაციის დამუშავება.
