პოლიტიკა
საგანგებო ელჩი გლობალურ საკითხებში საქართველოს ეწვევა
თბილისი, 6 ნოემბერი, საქინფორმი. საქართველოში ამერიკის შეერთებული შტატების ოფიციალურ ვებგვერდზე განთავსებული ინფორმაციის თანახმად, თბილისს 6-7 ნოემბერს აშშ-ის საგანგებო ელჩი ქალთა გლობალურ საკითხებში მელანი ვერვეერი ეწვევა.
ელჩი ვერვეერი შეხვდება საქართველოს მთავრობისა და სამოქალაქო საზოგადოების წარმომადგენლენს. განხილული იქნება უმთავრესი პრობლემები, რომელიც ქალებს აწუხებთ კავკასიის რეგიონში, აგრეთვე ის, თუ როგორ შეუძლია შეერთებულ შტატებს, დაეხმაროს რეგიონის ქვეყნებს ქალთა უფლებების გაძლიერებაში.
დაგეგმილია ელჩ ვერვეერის შეხვედრები იმ ქალ ლიდერებსაც, რომლებიც რეგიონის სამშვიდობო პროცესებში აქტიურად არიან ჩართულნი.
