საზოგადოება
საპარლამენტო უმცირესობა პოლიტპატიმართა სიას მხარს არ დაუჭერს
საქართველო, 5 დეკემბერი, საქინფორმი. საქართველოს პარლამენტის დღევანდელი სხდომის ძირითადი საკითხი პოლიტპატიმართა და პოლიტიკური ნიშნით დევნილთა სიის დამტკიცება იყო. ადამიანის უფლებათა დაცვის საპარლამენტო კომიტეტის თავმჯდომარე ეკა ბესელიას განცხადებით, პოლიტიკური მოტივებით გასამართლებული ადამიანები გათავისუფლების მოლოდინში უკვე ციხეში ყოფნის დარჩენილ წუთებს ითვლიან.
ამავე დროს, საპარლამენტო უმცირესობა არ აპირებს ამ სიის მხარდაჭერას. დავით დარჩიაშვილის განმარტებით, ეს სია ნდობას არ აღძრავს, რადგან მისთვის ცნობილია, თუ როგორ მიმდინარეობდა მუშაობა ამ ნუსხაზე.
„ადამიანები, რომლებმაც დანაშაული ჩაიდინეს, უცებ პოლიტპატიმრებად და პოლიტიკური ნიშნით დევნილებად იქცნენ. მე მაქვს ინფორმაცია ერთი მათგანის შესახებ, რომელმაც რამდენჯერმე ესროლა ადამიანს, დღეს კი უკვე პოლიტპატიმარია“, – აღნიშნა უმცირესობის წევრმა.
