სამართალი
კოტე კუბლაშვილი მის შესაძლო იმპიჩმენტს სერიოზულად არ აღიქვამს
საქართველო, 1 მარტი, საქინფორმი. მოსამართლეების დიპლომებს შესაძლოა კოტე კუბლაშვილის თანამდებობა შეეწიროს. მოსამართლეთა კვალიფიკაციის თემას პარლამენტის ადამიანის უფლებათა დაცვის კომიტეტის თავმჯდომარე ეკა ბესელია უზენაესი სასამართლოს თავმჯდომარეს კიდევ ერთხელ ახსენებს და არც მისი პასუხისმგებლობის საკითხს გამორიცხავს.
დეპუტატი კუბლაშვილს საბოტაჟის მცდელობასა და არაკვალიფიციური მოსამართლეების დანიშვნაში ადანაშაულებს. ეკა ბესელიას განცხადებით, „ნაციონალური მიოძრაობის“ მიერ ახალი მთავრობის წინააღმდეგ მის მიერ დასახელებული საბოტაჟის ერთ-ერთი კომპონენტია, რასაც სასამართლო ახორციელებს ბოლო დროს.
ბრალდებას უპასუხისმგებლოს უწოდებს ადრესატი. კოტე კუბლაშვილი მის შესაძლო იმპიჩმენტს სერიოზულად არ აღიქვამს. მისი განცხადებით, „ეს საკითხი ვერადროს ვერ დადგება, რადგან კონსტიტუციაში აღწერილია, რა საფუძველზე შეიძლება დადგეს – მაგალითად, დანაშაულზე წასწრების... ასეთი რამ არ ყოფილა და არც იქნება“.
ადვოკატთა ნაწილი აცხადებს, რომ დადასტურების შემთხვევაში ასეთ დანაშაულად მოსამართლეების იურიდიული განათლების გარეშე მუშაობაც ჩაითვლება.
