აქტუალური
ბაგა-ბაღები 19 აპრილის აქციისთვის ემზადებიან!
საქართველო, 4 აპრილი, საქინფორმი. თბილისის საკრებულოს ფრაქცია “ქართული ოცნება-თბილისელების“ თავმჯდომარის გულიკო ზუმბაძის განცხადებით, ბაგა-ბაღების განვითარების სააგენტოს ხელმძღვანელი რამაზ სულამანიძე საკრებულოს გაფართოებულ სხდომაზე იმიტომ არ გამოცხადდა, რომ ბაგა-ბაღები და მათი დირექტორები ა.წ. 19 აპრილს დაანონსებული აქციისთვის ემზადებიან.
„ჩვენი აზრით, ეს არის მიუღებელი, რადგან სკოლამდელი აღზრდის დაწესებულებები სწავლა-აღზრდით უნდა იყვნენ დაკავებული!“, - განაცხადა გულიკო ზუმბაძემ. მისივე თქმით, სულამანიძემ მათთან მესამე და მეოთხე ხარისხის წარმომადგენლები გაგზავნა, რომლებთანაც დიალოგს არ აპირებენ. 
