აქტუალური
მეორე მსოფლიო ომის ვეტერანთა საზეიმო სხდომა
საქინფორმი, 9 მაისი, საქინფორმი. გუშინ საღამოს ალექსანდრე გრიბოედოვის სახელობის თეატრში მეორე მსოფლიო ომის ვეტერანთა საზეიმო სხდომა გაიმართა. ღონისძიება სამამულო ომში ფაშიზმზე გამარჯვების 68 წლის იუბილეს მიეძღვნა.
სამამულო ომის მონაწილეებს გამარჯვების დღე მიულოცეს თავდაცვის მინისტრის მოადგილემ თამარ ქაროსანიძემ, ასევე საქართველოს შეიარაღებული ძალების გაერთიანებული შტაბის უფროსის მოადგილეებმა პოლკოვნიკებმა ვლადიმერ ჩაჩიბაიამ და არსენ ცუხიშვილმა.
ვეტერანებმა II მსოფლიო ომში ქართველების დამსახურებაზე ისაუბრეს. მათ ასევე გაიხსენეს ომში დაღუპული თანამებრძოლები და ვეტერანთა პრობლემებზე ისაუბრეს. საზეიმო ღონისძიება სპეციალურად ვეტერანებისათვის მოწვეულმა ანსამბლმა „ცეკვის აკადემიამ“ დაასრულა.
