სამართალი
ზუგდიდში დევნილმა ქალმა თავი ჩამოიხრჩო
საქართველო, 16 მაისი, საქინფორმი. ზუგდიდში, დადიანის ქუჩაზე მდებარე საცხოვრებელ კორპუსში უბედური შემთხვევა მოხდა. ერთოთახიანი ბინის საპირფარეშოში თავი ჩამოიხრჩო აფხაზეთიდან დევნილმა 55 წლის ნაირა ქარცხიამ.
გავრცელებული ინფორმაციით, თვითმკვლელობის მიზეზი ბანკიდან აღებული კრედიტებია, რომლებსაც გარდაცვლილი ვერ იხდიდა. შემთხვევის ადგილზე მობილიზებული იყვნენ საპატრულო პოლიციისა და ზუგდიდის პოლიციის მთავარი სამმართველოს თანამშრომლები, რომლებმაც გარდაცვლილი ქალბატონის საცხოვრებელი ბინის კარი შეამტვრიეს.
მედიაში გავრცელებული ცნობით, ნაირა ქარცხია დადიანის ქუჩაზე ნაქირავებ ბინაში ცხოვრობდა და ბოლო ხანს ქირის გადახდასაც ვერ ახერხებდა.
