17 მაისის აქციაზე მომხდარი ინციდენტის გამო დაკავებულ პირებს ბრალი წარუდგინეს

სამართალი

daakavesss-2 საქართველო, 21 მაისი, საქინფორმი. 17 მაისის აქციაზე მომხდარი ინციდენტის გამო დაკავებულ ოთხ პირს ბრალი ოფიციალურად წარედგინა. დაკავებულების ადმინისტრაციული საქმის განხილვა, სავარაუდოდ, დღეს მოხდება. სასამართლო პროცესზე დასასწრებად თბილისის საქალაქო სასამართლოში აქციის სხვა მონაწილეები და პოლიტიკოსები არიან შეკრებილი.

საქინფორმის მკითხველს შევახსენებთ, რომ შსს-ს თბილისის მთავარი სამმართველოს ძველი თბილისის სამმართველოს მე-7 განყოფილების თანამშრომლებმა პოლიციის დაუმორჩილებლობისა და წვრილმანი ხულიგნობის ფაქტზე, ადმინისტრაციულ სამართალდარღვევათა კოდექსის 166-ე და 173-ე მუხლების საფუძველზე დააკავეს 17 მაისს, კოლმეურნეობის მოედანზე მომხდარი ინციდენტის მონაწილე ოთხი პირი: გიგა კ, ზურაბ ჩ, ამირან მ. და ბექა ფ.. აღნიშნული დანაშაულები ითვალისწინებს ჯარიმას ან ადმინისტრაციულ პატიმრობას 90 დღემდე ვადით.