სამართალი
სასჯელაღსრულების დაწესებულებებში 56 პატიმარი შიმშილობს
საქართველო, 30 დეკემბერი, საქინფორმი. საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ინფორმაციით, 30 დეკემბრის 12 საათის მონაცემებით საპატიმროებში სულ 56 მსჯავრდებული და ბრალდებული შიმშილობს.
„დაწესებულებების მიხედვით: სასჯელაღსრულების №2 დაწესებულებაში – 3 პატიმარი, სასჯელაღსრულების №5 დაწესებულებაში – 1 პატიმარი, სასჯელაღსრულების №6 დაწესებულებაში – 5 პატიმარი, სასჯელაღსრულების №7 დაწესებულებაში – 18 პატიმარი, სასჯელაღსრულების №8 დაწესებულებაში – 3 პატიმარი, სასჯელაღსრულების №15 დაწესებულებაში – 23 პატიმარი, სასჯელაღსრულების №17 დაწესებულებაში – 3 პატიმარი.
აღნიშნულ დაწესებულებებში განთავსებული მსჯავრდებულები და ბრალდებული საქმეების გადახედვის ინდივიდუალური მოთხოვნებით, ასევე მართლმსაჯულების ხარვეზების დამდგენი კომისიის შექმნისა და 223 პრიმა მუხლის გაუქმების მოტივით შიმშილობენ“, – ნათქვამია სამინისტროს განცხადებაში.
