სამართალი
ადვოკატი გოგა ონიანი წინასწარი დაკავების იზოლატორში დააბრუნეს
საქართველო, 24 თებერვალი, საქინფორმი. საქართველოს ყოფილი თავდაცვის მინისტრი ბაჩო ახალაიას ადვოკატი გოგა ონიანი გუშინ საღამოს სამსახურებრივი უფლებამოსილების გადამეტების ბრალდებით დააკავეს. დაკითხვაზე იგი შეუძლოდ გახდა და ჩაფიძის სახელობის კარდიოლოგიურ კლინიკაში გადაიყვანეს.
„მცირე უსიამოვნო საუბარი გვქონდა ადგილზე გამომძიებელთან და გარკვეულ შეურაცხყოფას ჰქონდა ადგილი. გოგას უკვე ამის შემდეგ, იზოლატორშივე დაეწყო შეტევა, გამოძახებული იყო სასწრაფო დახმარება, რომელმაც ადგილზე ვერ შეძლო დახმარების გაწევა და მისი კლინიკაში გადაყვანა გახდა საჭირო”, – განაცხადა ადვოკატმა მალხაზ ველიჯანაშვილმა.
მოკლე ხანში გაირკვა, რომ ონიანი, გ.ჩაფიძის სახელობის კარდიოლოგიური კლინიკის დასკვნით, სრულიად ჯანმრთელია, რის გამოც იგი წინასწარი დაკავების იზოლატორში დააბრუნეს.
