საზოგადოება
პრემიერ-მინისტრი ირაკლი ღარიბაშვილი ნორვეგიის სამეფოს პრემიერ-მინისტრ ერნა სოლბერგს შეხვდა
საქართველო, 26 მარტი, საქინფორმი. საუბრის ძირითადი თემა ორ ქვეყანას შორის პოლიტიკური, ეკონომიკური და კულტურული თანამშრომლობის გაძლიერება იყო. მხარეებმა თავდაცვის სფეროში თანამშრომლობის საკითხებზეც ისაუბრეს და ამ მიმართულებით მოქმედი ორმხრივი გეგმა განიხილეს.
შეხვედრაზე ორ ქვეყანას შორის განათლებისა და კულტურის სფეროში თანამშრომლობასა და გამოცდილების გაზიარებასაც შეეხენ. ხაზი გაუსვეს მაღალი დონის ორმხრივი ვიზიტების მნიშვნელობას.
საქართველოს პრემიერ-მინისტრმა ნორვეგიელ კოლეგას ქვეყნის ტერიტორიული მთლიანობის მხარდაჭერისა და არაღიარების პოლიტიკისთვის მადლობა გადაუხადა.
