საქართველო, 1 აგვისტო, საქინფორმი. საქართველოს ტურიზმის ეროვნული ადმინისტრაციის ხელმძღვანელ გიორგი სიგუას, რომელსაც ამ დღეებში დაკავებული თანამდებობიდან გადააყენებენ, მუსიკალური პროექტი KaZantip-ის ვიცე-პრეზიდენტის პოსტი შესთავაზეს. „ვფიქრობ ამ წინადადებაზე“, - განუცხადა სიგუამ ტელეფონით „ნოვოსტი-გრუზიას“ კორესპონდენტს ხუთაშაბათს, 31 ივლისს.

მედიის ცნობით, KaZantipi-ის პრეზიდენტმა ნიკიტა მარშუნოკმა სიგუას გასამრჯელოს სახით წელიწადში 100 000 ევრო შესთავაზა. მისი თქმით, სიგუა ერთ-ერთი ყველაზე მიზანსწრაფული და ნიჭიერი ადამიანია პოლიტიკურ სტრუქტურებში, რომელიც კი მას შეხვედრია და მისი ენერგიულობა და შრომისმოყვარეობა შეუმჩნეველი არ უნდა დარჩეს.

„რესპუბლიკა KaZantip-ის ყველა მოქალაქის სახელით ვთავაზობთ ბატონ სიგუას სამუშაოს ჩვენს მთავრობაში“, - განაცხადა პროექტის პრეზიდენტმა.

ეკონომიკისა და მდგრადი განვითარების სამინისტრომ 30 ივლისს გაავრცელა ცნობა თანამდებობიდან სიგუას გადაყენების შესახებ. ამასთან, აღინიშნა, რომ სიგუას არაერთელ მიუღია სამინისტროს ხელმძღვანელობის გაფრთხილება „არამიზანშეწონილი ქცევისათვის“.