საზოგადოება
მოხეში შენობის წარმომავლობის დასადგენად სპეციალური კომისია შეიქმნება
საქართველო, 28 ოქტომბერი, საქინფორმი. გაგრძელდება თუ არა სოფელ მოხეში კულტურის სახლის მშენებლობა, ჯერჯერობით უცნობია. სადავო შენობის წარმომავლობის დასადგენად სპეციალური კომისია შეიქმნება. ამის შესახებ რელიგიის საკითხთა სახელმწიფო სააგენტოს თავმჯდომარემ ადგილობრივ მოსახლეობასთან შეხვედრის შემდეგ განაცხადა.
„მიზანშეწონილად მიგვაჩნია, საქმეში გარკვევის მიზნით ჩაერთოს ძეგლთა დაცვაც, ასევე კულტურის სამინისტრო, არასამთავრობო სექტორი, რომ ზედმეტი კითხვები აღარ გაჩნდეს და მთლიანობაში მიიღოს ამ კომისიამ ექსპერტთა და მეცნიერთა მონაწილეობით ის გადაწყვეტილება, ვისი კუთვნილებაა ეს შენობა. ამის შემდგომ იქნება საბოლოო გადაწყვეტილება მიღებული", - განაცხადა ვაშაყმაძემ.
მოლაპარაკებების შემდეგ ცნობილი გახდა, რომ გამოიყოფა სამი ადამიანი მუსლიმთა თემიდან, ასევე სამი წარმომადგენელი ქრისტიანი მოსახლეობიდან, რომლებიც კომისიის მუშაობაში ჩაერთვებიან.
