უცხოეთი
თურქეთი უარს ამბობს ირანზე და ფსონს აზერბაიჯანზე ჩამოდის
საქართველო, 31 ოქტომბერი, საქინფორმი. „სატრანსპორტო კრიზისმა“ ირანთან ურთიერთობაში ანკარა აიძულა დიდტვირთიანი ფურების გადაადგილების ალტერნატიული მარშრუტები ეძებნა ცენტრალური აზიის ქვეყნებში. როგორც გაზეთი „Sabah” იუწყება, უკვე 2015 წლის დასაწყისში თურქეთსა და ცენტრალური აზიის ქვეყნებს შორის საავტომობილო ტვირთგადაზიდვების ახალი მარშრუტი ამოქმედდება, აქცენტით მიმართულებაზე - საქართველო-აზერბაიჯანი-თურქმენეთი.
კერძოდ, კასპიის ზღვაში გამყენებული იქნება ორი ბორანი და ორი ხომალდი ტვირთების გადასაზიდად, რისი მეშვეობითაც ბაქოს პორტის გავლით თურქმენეთში ყოველწლიურად თურქეთიდან შემოსულ 30 ათას ტონამდე ტვირთს გადაზიდავენ.
აღსანიშნავია, რომ თეირანმა გაამკაცრა პოზიცია თურქული საბარგო ავტომანქანების ირანის ტერიტორიის გავლით გადაადგილებაზე, თურქ მძღოლებს აუკრძალა საწვავის შესყიდვა ირანში.
„შედეგად, წაგებული მხარე ირანი იქნება. არ ვიყიდით საწვავს ირანელებისგან, ვიყიდით თურქმენეთში, სადაც ბენზინი გაცილებით იაფია. მთელი თვირთზიდვა თურქეთიდან წლის პირველი ნახევრიდან არა ირანში, არამედ აზერბაიჯანში განხორციელდება“, - აცხადებენ თურქი მძღოლები.
