"ნათელია, რომ საქართველოს დემოკრატიას მნიშვნელოვანი დრო უდგას... რა თქმა უნდა, საქართველოს [მინისტრთა] კაბინეტისა და მთავრობის შემადგენლობა ქართველების გადასაწყვეტია. მაგრამ, რეგიონში არსებული მღელვარებისა და შიდა ეკონომიკური გამოწვევების დროს, საქართველოს ყველაზე მეტად სჭირდება სტაბილურობა, ერთიანობა და ნათლად გამოხატული ერთგულება სამართლებრივი პროცედურებისა და კანონის უზენაესობის პრინციპის მიმართ... ვთხოვთ ყველა მხარეს იმუშაონ ერთად აღნიშნული ამოცანების გადასაჭრელად, ყურადღება გაამახვილონ იმ ქვეყნის მომავალზე, რომლის მტკიცე ნავსაყუდელიც ევროატლანტიკური ინსტიტუტებია. გამართლებული არ იქნებოდა მიმდინარე გამოძიების დროს შეერთებულ შტატებს რაიმე პოზიცია დაეკავებინა, მაგრამ ყოფილი და დღევანდელი თანამდებობის პირების წინააღმდეგ მიმდინარე გამოძიებების რაოდენობა და მასშტაბი წარმოშობს ლეგიტიმურ შეშფოთებას, რომ სასამართლო სისტემა გამოიყენება პოლიტიზებული ფორმით ან პოლიტიკური მიზნებისათვის. ვთხოვთ მთავრობას, გადადგას ნაბიჯები ამგვარი აღქმის გასაქარწყლებლად", - აღნიშნულია აშშ-ის ელჩის განცხადებაში.