საზოგადოება
საქართველოში არაბთა გაერთიანებული საემიროებიდან უახლოეს მომავალში მსხვილი ინვესტიცია განხორციელდება
საქართველო, 10 ნოემბერი, საქინფორმი. ამის შესახებ საქართველოს პრემიერ-მინისტრისა და რას ალ ხაიმას მმართველის, შეიხ საუდ ბინ საქრ ალ ქასიმის პირადი წარმომადგენლის, ნასერ ბუსტამის შეხვედრაზე გახდა ცნობილი.
კომპანია RAK Rock- Stevin Rock-ის აღმასრულებელი დირექტორი და RAK Maritime City-ის აღმასრულებელი საბჭოს წევრი პრემიერმა მთავრობის ადმინისტრაციაში მიიღო.
ინვესტირება, ძირითადად, სასტუმროს ბიზნესში იგეგმება. შეხვედრას საემიროების პორტის და თავისუფალი ზონების აღმასრულებელი დირექტორი კოლინ კროშაკი, ხოლო საქართველოს მხრიდან - ეკონომიკისა და მდგრადი განვითარების მინისტრის პირველი მოადგილე დიმიტრი ქუმსიშვილი დაესწრო.
