სამართალი
ლარის კურსთან დაკავშირებით სწორი და ეფექტური პოლიტიკის გასატარებლად საქართველოს მთავრობა სამუშაო შეხვედრებს რეგულარულად მართავს
საქართველო, 8 დეკემბერი, საქინფორმი. კონკრეტულ ღონისძიებებზე იმსჯელეს შეხვედრაზე, რომელიც პრემიერ–მინისტრმა ირაკლი ღარიბაშვილმა მთავრობის ეკონომიკური გუნდის წევრებთან და ეროვნული ბანკის ხელმძღვანელობასთან გამართა.
შეხვედრაზე აღინიშნა, რომ ლარის კურსის არსებული მერყეობა სტაბილური ვალუტებისთვის დამახასიათებელი მერყეობის პარამეტრებში ჯდება. მსოფლიო ფინანსურ ბაზრებზე დოლარის კურსი გამყარებულია ყველა ძირითადი ვალუტის მიმართ, რაც თავისთავად აისახება ლარი/დოლარის კურსზე.
საქართველოს ხელისუფლება ატარებს თანმიმდევრულ პოლიტიკას, შესაბამისად, ფინანსურ სტაბილურობას და ლარის კურსს გრძელვადიან პერიოდში საფრთხე არ ემუქრება.
