სამართალი
შსს-ს სტრატეგიული მილსადენების დაცვის დეპარტამენტის წარმომადგენლებს მადლობის სიგელები გადაეცათ
საქართველო, 10 დეკემბერი, საქინფორმი. შინაგან საქმეთა სამინისტროს „BP-საქართველო“-ს გენერალურმა მენეჯერმა კრის შლიტერმა ნაყოფიერი თანამშრომლობისათვის მადლობა გადაუხადა. მან სპეციალური და საგანგებო ღონისძიებების ცენტრის სტრატეგიული მილსადენების დაცვის დეპარტამენტის დირექტორი ზაზა ფანცულაია და დეპარტამენტის პირადი შემადგენლობა სპეციალური სიგელებით დააჯილდოვა.
შსს-ს სპეციალური და საგანგებო ღონისძიებების ცენტრის სტრატეგიული მილსადენების დაცვის დეპარტამენტის ხელმძღვანელებისა და თანამშრომლებისთვის „BP-საქართველო“-ს წარმომადგენლებმა სასტუმრო „რედისონ ბლუ ივერიაში“ საზეიმო მიღება გამართეს.
შსს აქტიურად თანამშრომლობს „BP-საქართველო“-ს წარმომადგენლობასთან, რაც საქართველოს ტერიტორიაზე გამავალი მაგისტრალური მილსადენების უსაფრთხოების სისტემის ეფექტურობის გაზრდას მნიშვნელოვნად უწყობს ხელს.
