პოლიტიკა
პრეზიდენტის ადმინისტრაციაში ცენტრალური საარჩევნო კომისიის წევრობის კანდიდატთა შესარჩევ ღია კონკურსში მონაწილე პირთა 37 განაცხადი განიხილეს
საქართველო, 26 დეკემბერი, საქინფორმი. საკონკურსო კომისიამ თითო ვაკანტურ ადგილზე სამი პირი შეარჩია და პრეზიდენტს გუშინ 9 კანდიდატი წარუდგინა, რომელთაგან ექვსს გიორგი მარგველაშვილი პარლამენტს დასამტკიცებლად შვიდი დღის ვადაში გადაუგზავნის.
ღია კონკურსი საქართველოს ცენტრალური საარჩევნო კომისიის წევრობის სამ ვაკანტურ თანამდებობაზე კანდიდატთა შესარჩევად 8 დეკემბერს გამოცხადდა. საკონკურსო კომისიის შემადგენლობაში არიან: საქართველოს პრეზიდენტის ადმინისტრაციის უფროსი დავით პატარაია, პრეზიდენტის საპარლამენტო მდივანი გიორგი კვერენჩხილაძე და საპარლამენტო მდივნის მოადგილე ბესარიონ აბაშიძე, ასევე, ადამიანური რესურსების მართვის დეპარტამენტის უფროსი თამარ ბენაშვილი და არასამთავრობო ორგანიზაციების წარმომადგენლები: კახა კოჟორიძე, ნინო ლომჯარია, ეკა გიგაური და ხათუნა ლაგაზიძე. 
