პოლიტიკა
ბაქოში რადიო „თავისუფლების“ ბიურო დახურეს
საქართველო, 30 დეკემბერი, საქინფორმი. აზერბაიჯანის ხელისუფლებამ შეერთებული შტატების მიერ დაფინანსებული რადიო „თავისუფლების“ ბაქოს ბიურო დახურა. აზერბაიჯანის პოლიციამ რეიდის დროს ჟურნალისტებს მუშაობის შეჩერება მოსთხოვა. ბიუროს წარმომადგენლები აზერბაიჯანის ხელისუფლებას ყველა საერთაშორისო ვალდებულების დარღვევაში ადანაშაულებენ.
რადიო „თავისუფლების“ თანამშრომლების განცხადებით, ეს ქვეყანაში ერთ-ერთი ბოლო დამოუკიდებელი მედიასაშუალების გაჩუმების აშკარა მცდელობაა. რადიოსადგურის დახურვის გამო, შეერთებული შტატების ხელისუფლება შეშფოთებას გამოთქვამს. 
