პოლიტიკა
რუსეთის ჯავახკის დიასპორა: „ჩვენ კატეგორიულ პროტესტს გამოვთქვამთ ჯავახკის მილიტარიზაციის მორიგი მცდელობის წინააღმდეგ“
საქართველო, 18 მარტი, საქინფორმი. „რუსეთის ჯავახკის დიასპორის“ განცხადება:
„სამწუხაროდ, საქართველოს ხელისუფლება აგრძელებს და ცდილობს სულ უფრო მეტად მოახდინოს ჯავახკის (სამცხე-ჯავახეთის მხარე) მილიტარიზება. ისინი სხვადასხვა ხერხით ცდილობენ გაავსონ იგი სხვადასხვა გასამხედროებული სტრუქტურებით.
(იგულისხმება სამცხე-ჯავახეთის მხარის განსაკუთრებულ დავალებათა სამმართველო, რომელიც საქართველოს პრემიერ-მინისტრმა ირაკლი ღარიბაშილმა და შს მინისტრმა ვახტანგ გომელაურმა გუშინ ასპინძაში გახსნეს, რადგან რეგიონში დღემდე არ არსებობდა სპეცნაზის ქვედანაყოფი - საქინფორმი)
ჩვენ კატეგორიულად ვეწინააღმდეგებით სომხური ჯავახკის (სამცხე-ჯავახეთი) მილიტარიზაციის მცდელობას და მოვუწოდებთ საქართველოს ხელისუფლებას, ფინანსური სახსრები ჩადონ რეგიონის ეკონომიკის განვითარებაში, მეტი ყურადღება დაუთმონ მხარის სოციალური და ჰუმანიტარული სფეროების გაუმჯობესებას, იზრუნონ ჯავახკში (სამცხე-ჯავახეთი) მცხოვრები ადგილობრივი მოსახლეობის კეთილდრეობის ამაღლებაზე.
საზოგადოებრივი ორგანიზაცია „რუსეთის ჯავახკის დიასპორის“ გამგეობა
