აქტუალური
ცენტრალური აფრიკის რესპუბლიკაში მიმდინარე სამშვიდობო მისიაში საქართველოს შეიარაღებული ძალების II ქვეითი ბრიგადის 23-ე ბატალიონის სამხედროებმა კომბინირებული პატრულირება განახორციელეს
საქართველო, 20 მარტი, საქინფორმი. ქართველმა ჯარისკაცებმა, ფრანგ სამხედროებთან ერთად, მოსახლეობის მოთხოვნის საფუძველზე იმოქმედეს. ადგილობრივთა ინფორმაციით, დედაქალაქ ბანგიში მკვლელობა მოხდა. პატრულირების მიზანს სწორედ სიტუაციის სტაბილიზაცია და უსაფრთხოების კონტროლი წარმოადგენდა.
პატრულირების დროს 23-ე ბატალიონის სამხედრო მოსამსახურეები მოსახლეობას შეხვდნენ, მოისმინეს მათი პრობლემები და ადგილზე არსებულ სიტუაციას გაეცნენ.
23-ე ბატალიონის ნაკრებ ასეულს ISAF-ის საერთაშორისო მისიაში ორჯერ აქვს მონაწილეობა მიღებული.
23-ე ბატალიონი უკვე მეორე დანაყოფია, რომელიც ცენტრალური აფრიკის რესპუბლიკაში ევროკავშირის მისიით იმყოფება. მათ როტაციის წესით ბათუმის ცალკეული მსუბუქი ქვეითი ბატალიონის ასეული ჩაანაცვლეს.
