უცხოეთი
„გერმანიამ სომხების გენოციდი აღიარა“ - გერმანიის საგარეო საქმეთა სამინისტროს ხელმძღვანელი
საქართველო, 22 აპრილი, საქინფორმი. გფრ-ის საგარეო საქმეთა მინისტრმა ფრანკ ვალტერ შტაინმაიერმა განაცხადა, რომ „გერმანია თანახმაა, აღიაროს სომხების გენოციდი“. გერმანიის საგარეო უწყების ხელმძღვანელმა მიუთითა, რომ ამ საკითხზე სულ უფრო მკაცრმა პოლიტიკურმა დებატებმა შესაძლოა „გაართულოს ანდა შეუძლებლად აქციოს“ თურქეთსა და სომხეთს შორის სერიოზული და პირდაპირი დიალოგის დასაწყისი.
თავის მხრივ, ერთ-ერთი ფრაქციის თავმჯდომარემ ბუნდესტაგში, ფრანც იოსებ იუნგმა განაცხადა, რომ მისი პარტია მზადაა, სომხების მასობრივ ხოცვას „გენოციდი“ უწოდოს მიუხედავად ანკარის პროტესტისა.
ცნობისათვის: აქამდე გფრ-ის მთავრობა გაურბოდა ცნება „გენოციდის“ გამოყენებას სომხებთან მიმართებაში ოსმანთა იმპერიაში, რათა არ გაერთულებინა ურთიერთობები თურქეთთან.
