საქართველო, 12 მაისი, საქინფორმი. საფრანგეთის ხელისუფლებას შეუძლია შესთავაზოს ჩინეთს რუსეთისათვის აგებული, „მისტრალის“ კლასის შვეულმფრენმზიდები, - წერს Want China Times.

ამ თემაზე მოლაპარაკებები შეიძლება შანხაის პორტში ორი ფრანგული ხომალდის ვიზიტის დროს გაიმართოს. ეს ხომალდებია Aconit (“ლაფაიეტის“ კლასის ფრეგატი) და Dixmude – „მისტრალის“ კლასის შვეულმფრენმზიდი.

იტყობინებიან, რომ ჩინეთს საკუთარი, „მისტრალის“ ანალოგიური, სადესანტო ხომალდის შექმნის გეგმა აქვს, ხოლო რუსეთისთვის აგებული ფრანგული გემები ჩინელმა გემთმშენებლებმა შესაძლოა ნიმუშად გამოიყენონ.