უცხოეთი
რუსეთის მოსახლეობის ნახევარი აფხაზეთსა და სამხრეთ ოსეთს დამოუკიდებელ სახელმწიფოებად მიიჩნევს, ამდენივე მიიჩნევს, რომ ამ რესპუბლიკებს ოფიციალურად უნდა ჰქონდეთ დამოუკიდებლობის სტატუსი
საქართველო, 23 სექტემბერი, საქინფორმი. რუსულმა არასამთავრობო ორგანიზაციამ „ლევადა ცენტრმა“, აფხაზეთისა და ცხინვალის სტატუსის შესახებ რუსეთის 46 რეგიონის 134 დასახლებულ პუნქტში 800 კაცს შორის 21-24 აგვისტოს ჩატარებული კვლევის შედეგები გამოაქვეყნა. გამოკითხვის თანახმად, პრაქტიკულად ყოველი მეორე (47%) აფხაზეთს და სამხრეთ ოსეთს დამოუკიდებელ სახელმწიფოებად თვლის, კიდევ ერთი ნახევარი მათ რესპუბლიკებად მიიჩნევს. სამხრეთ ოსეთს და აფხაზეთს საქართველოს ნაწილად 10% და 9% მიიჩნევს. 21% თვლის, რომ სამხრეთ ოსეთი რუსეთის ნაწილია, 20% კი აფხაზეთს მიიჩნევს რუსეთის ნაწილად.
„ლევადას ცენტრის“ მონაცემებითვე, 2004 წელს რუსეთში გამოკითხულთა 27% მიიჩნევდა, რომ აფხაზეთი საქართველოს ნაწილია. 2014 წლის მონაცემების მიხედვით, გამოკითხულთა უფრო დიდი ნაწილი, 58% მიიჩნევდა, რომ აფხაზეთი დამოუკიდებელი სახელმწიფო იყო. 
