უცხოეთი
რუსეთის საგარეო უწყება რუსეთის იზოლაციის შესახებ ამერიკის პოლიტიკის მარცხზე საუბრობს
საქართველო, 11 ნოემბერი, საქინფორმი. აშშ რუსეთის იზოლაციის საკუთარი მცდელობის მძევალი აღმოჩნდა, ამასთან, ვაშინგტონმა ვერ მოახერხა თავისი მიზნების რეზლიაცია. ამის შესახებ რფ-ის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა „კომსომოლსკაია პრავდა“-სთან ინტერვიუში.
„ისინი (აშშ) საკუთარი გააზრებული მოდელის მძევლად იქცნენ: ერთი მხრივ, რუსეთის ფსევდოიზოლაცია, რომლის რეალიზებაც ასე ძალიან უნდოდათ და რომელიც, სავსებით ნათელია, რომ მარცხით დასრულდა; მეორე მხრივ, მათ ცალმხრივად გაყინეს თანამშრომლობა ყველა მიმართულებით და არსობრივად ერთი არხი დატოვეს - ურთიერთქმედება საგარეო საქმეთა სამინისტროსთან“, - განაცხადა ზახაროვამ, რომლის თქმითაც, აშშ-ს ბევრი საკითხი დაუგროვდა რუსეთთან, რომლებიც გადასაჭრელია, თუმცა „არხები, რომელთა მეშვეობითაც ისინი უწინ იჭრებოდა, აღარ არსებობს“.
„შეუძლებელია გამოაცხადო იმ ქვეყნის იზოლაცია, რომელსაც თავად აღიარებ უდიდეს მოთამაშედ მთელ რიგ საერთაშორისო საკითხებში“, - აღნიშნა ზახაროვამ და იქვე დასძინა, რომ „სიტუაციის ჯანსაღად გააზრების“ საშუალებას აშშ-ს „შიდა ამბიციები“ არ აძლევს.
