საზოგადოება
უხუცეს ქალბატონს ყურადღებას არავინ აქცევს
გორში მცხოვრები ხელოვანი, 104 წლის უხუცესი ქალბატონი ნადია ქორდელი და მისი შვილი, ასევე ხელოვანი, ელენა ლეჟავა მძიმე სოციალურ პირობებში ცხოვრობენ.104 წლის მოხუცი, 10 წელია, მწოლიარეა. მიუხედავად ამისა, იგი ისევ ხატავს, ქარგავს და ქსოვს და ამისთვის სათვალეც არ სჭირდება. მას 3000-ზე მეტი ნახატი, ასობით ნაქარგი და ნაქსოვი აქვს.
დედა–შვილი, უკვე 10 წელია, ნარკოლოგიური ცენტრის შენობაში, სარდაფივით ოთახში ცხოვრობენ, სადაც მზის სინათლე ვერ აღწევს, ნესტიანი ოთახის იატაკზე კი სოკოც ამოსულა. მიუხედავად იმისა, რომ ზამთარია, მათ არც გათბობა აქვთ.
როცა პრეზიდენტი ხაზგასმით აღნიშნავს, რომ საქართველოში არც ერთი ოჯახი გათბობის გარეშე და გაჭირვებაში არ უნდა ცხოვრობდეს,სრული აბსურდია, რადგან ამ ოჯახის მსგავს დღეში ძალიან ბევრი ადამიანი იმყოფება და მათ ყურადღებას არავინ აქცევს.
