აქტუალური
შარლ მიშელი მარტში უკრაინასა და საქართველოში ვიზიტს გეგმავს
საქართველო, 11 თებერვალი, საქინფორმი. ევროპული საბჭოს პრეზიდენტი შარლ მიშელი მარტში საქართველოსა და უკრაინაში ვიზიტს გეგმავს. ინფორმაციას ამის შესახებ უკრაინული მედია შარლ მიშელის წარმომადგენელზე დაყრდნობით ავრცელებს.
როგორც გამოცემა „უკრაინსკაია პრავდა“ წერს, უკრაინის პრემიერ-მინისტრთან, დენის შმიგალთან შეხვედრის შემდეგ შარლ მიშელმა დააანონსა ვიზიტი უკრაინაში.
ამის შემდეგ, ევროპული საბჭოს პრეზიდენტის წარმომადგენელმა განმარტა, რომ შარლ მიშელი მარტში უკრაინასა და საქართველოში ჩავა, რათა ორი ქვეყნისადმი ევროკავშირი მხარდაჭერა დაადასტუროს.
