აქტუალური
ნიკოლ ფაშინიანი: სომხეთმა კოლექტიური უსაფრთხოების ხელშეკრულების ორგანიზაციის წვრთნების ჩატარებაზე უარი თქვა
საქართველო, 11 იანვარი, საქინფორმი. სომხეთმა კოლექტიური უსაფრთხოების ხელშეკრულების ორგანიზაციის წვრთნების ჩატარებაზე უარი თქვა, – ამის შესახებ ქვეყნის პრემიერ-მინისტრმა, ნიკოლ ფაშინიანმა განაცხადა.
ფაშინიანის თქმით, სომხეთის თავდაცვის მინისტრმა უკვე მიაწოდა ინფორმაცია კოლექტიური უსაფრთხოების ხელშეკრულების ორგანიზაციის გაერთიანებულ შტაბს, რომ შექმნილ ვითარებაში წვრთნების ჩატარებას არამიზანშეწონილად მიიჩნევს.
„ყოველ შემთხვევაში, წვრთნები წელს არ ჩატარდება“, – განაცხადა ფაშინიანმა.
