აქტუალური
რასა იუკნევიჩიენე სალომე ზურაბიშვილს: თქვენ ისტორიის არასწორ მხარეს ხართ!

 საქართველო, 16 იანვარი, საქინფორმი. და რა? თქვენ ისტორიის არასწორ მხარეს ხართ! - ასე გამოეხმაურა ევროპარლამენტარი რასა იუკნევიჩიენე უკრაინის ქალაქ დნიპროში, საცხოვრებელ კორპუსზე რუსეთის მიერ განხორციელებული სასტიკი თავდასხმის დაგმობის შესახებ საქართველოს პრეზიდენტის, სალომე ზურაბიშვილის “ტვიტს”.

ამასთან, ლიეტუველმა ევროპარლამენტარმა სალომე ზურაბიშვილს „ტვიტერზე“ საქართველოს ვიცე-პრემიერის განცხადება შეახსენა იმასთან დაკავშირებით, რომ „მისი ქვეყანა უკრაინას სამხედრო დახმარებას არ გაუწევს, რადგან არ სურს კონფლიქტის მხარე გახდეს“.

შეგახსენებთ, სალომე ზურაბიშვილმა სოციალურ ქსელში „მკაცრად“ დაგმო უკრაინის ქალაქ დნიპროში, საცხოვრებელ კორპუსზე განხორციელებულ „სასტიკი თავდასხმა“.