საზოგადოება
ანდრეი კასიანოვი ოთხწლიანი მუშაობის შემდეგ საქართველოს ტოვებს
საქართველო, 18 მაისი, საქინფორმი. საქართველოში უკრაინის საქმეთა დროებითი რწმუნებული ანდრეი კასიანოვი აცხადებს, რომ ოთხწლიანი მუშაობის შემდეგ საქართველოს ტოვებს.
ამის შესახებ კასიანოვი სოციალურ ქსელში წერს.
„საქართველოდან მივდივარ. მინდა, ყველას გისურვოთ მშვიდობა, კეთილდღეობა, ჰარმონია, ერთიანობა, წარმატება, ბედნიერება და კეთილდღეობა. მტკიცედ ვარ დარწმუნებული, რომ უკრაინასა და საქართველოს არა მხოლოდ საერთო ისტორია, არამედ ნათელი საერთო მომავალი აქვთ ევროპელი ერების ერთიან მეგობრულ ოჯახში. ჩვენი ქვეყნების ევროკავშირსა და ნატო-ში გაწევრიანების სტრატეგიული მიზანი ძალიან ახლო მომავლის საკითხია“, – წერს კასიანოვი.
ამასთან, როგორც საქართველოს პირველ არხს საქართველოში უკრაინის საელჩოში განუცხადეს, ანდრეი კასიანოვის ნაცვლად, დროებითი რწმუნებულის მოვალეობას ოლექსანდრ შულგა შეასრულებს.
