„სუს-ის განცხადება სხვადასხვაგვარ გრძნობებს იწვევს, პირველ რიგში - დეჟავიუს განცდას, რადგან ის წარმოადგენს ჩემი ამ თემაზე ბოლო ორი წლის პუბლიკაციების შინაარსის უმოკლესს გადმოცემას - სააკაშვილის დაბრუნების და, განსაკუთრებით, უკრაინაში სპეცოპერაციის დაწყების შემდეგ, სადაც დაწვრილებით არის აღწერილი საქართველოში შეიარაღებული სახელმწიფო გადატრიალების სცენარი (მეთაურების სახელები, შეიარაღება, ლოკაციები და ტაქტიკა, უცხოეთის მხარდაჭერა, მიზნები და ამოცანები).

   მას შემდეგ, რაც გეგმა „А“ ჩავარდა - საქართველოში კონტეინერით შემოგზავნილ სააკაშვილს უახლოესმა გარემოცვამ უღალატა და ის ციხეში მოხვდა, შემუშავდა გეგმა „В“, რომლის შესახებაც ერთხელ არესტოვიჩს წამოცდა: შერეული ქართულ- უკრაინული დესანტი გადმოისხმება საქართველოში და ათავისუფლებს სააკაშვილს; ძალაუფლება გადადის დროებითი მთავრობის ხელში სააკაშვილის თავმჯდომარეობით, რომელსაც დასავლეთი მაშინვე აღიარებს; საქართველო ხსნის მეორე ფრონტს რუსეთის წინააღმდეგ - ქართულ-უკრაინული დესანტი, ქართულ არმიასთან ერთად, თავს ესხმის რუსულ ბაზებს გუდაუთაში, ცხინვალსა და ჯავაში და ათავისუფლებს აფხაზეთსა და ცხინვალის რეგიონს რუსი ოკუპანტებისგან. დეკლარირებული მიზანი მიღწეულია - საქართველო დაეხმარა უკრაინას, უკრაინა კი - საქართველოს!

აი რატომ რადიკალურ ოპოზიციასა და მისი პრეზიდენტ სალომე ზურაბიშვილს დღეს არანაირად არ აძლევს ხელს საქართველოსთვის ევროკავშირის წევრობის კანდიდატის სტატუსის მინიჭება - რადგან მაშინ საქართველოში მორიგი სამოქალაქო ომის დაწყებისა და ხელისუფლების შეცვლის ფორმალური მიზეზი ქრება! თუ გეგმა „ბ“, თუნდაც მისი პირველი ნაწილი - „მაიდანი 2“ თბილისში - განხორციელდება, მაშინ მომავალ წელს ყველა არჩევნებს სააკაშვილის ექს-მმართველი პარტია „ნაციონალური მოძრაობა“ მოიგებს.

   სუს-ის განცხადებამ კი ყოველ ნამდვილ ქართველში ღრმა სირცხვილის გრძნობა გამოიწვია - სამშობლოს გამო, რომელიც დღეს აშშ-ის კოლონიად არის ქცეული, თავად განსაჯეთ: გეგმა „ბ“ დიდი ხანია ყველასთვის ცნობილია, კიევსა და თბილისში სამზადისს კოორდინაციას უწევს სააკაშვილი „ვივამედიდან“, ხოლო მისი გენერლები და პოლკოვნიკები, რომლებიც სამუდამო პატიმრობას მარტო 2008 წლის აგვისტოს ომისთვის იმსახურებენ, თავს კოსპირაციით ძალიან არ იწუხებენ, მაგრამ სუს-ი უძლურია, მისი მაქსიმუმი განცხადების გაკეთებაა!

სუს-ი უძლური იყო, როდესაც ორი კვირის წინ თბილისში მაკკეინისა და ჯორჯ ბუშის ინსტიტუტებმა გამართეს კონფერენცია, რომელზეც უცხოელი კურატორები, ჯაშუშები და აგენტები დევიდ კრამერის ხელმძღვანელობით განიხილავდნენ საქართველოში მოახლოებულ „რევოლუციას“!

სუს-ი უძლური იყო მიმდინარე წლის მარტში, როდესაც ნაცისტებმა - უცხოელმა აგენტებმა „მოლოტოვის კოქტეილებით“ რუსთაველზე პოლიციელები დაწვეს, რითაც აიძულეს ხელისუფლება პირველი მოსმენით უკვე მიღებული კანონპროექტი უცხოელი აგენტების რეგისტრაციის შესახებ გაეწვია აშშ-ის სახდეპის ჩინოვნიკის მიერ განხორციელებული ერთი ზარით!

ხოლო რაკიღა სუს-ი უძლურია, ქართველმა ხალხმა უნდა გადაირჩინოს საკუთარი თავიც და საქართველოც! ძალიან სამარცხვინოა, როცა ათასობით ბოევიკი ამზადებს სამხედრო დესანტის გადმოსხმას, რომელსაც საქართველოში რადილალური ოპოზიციის შეიარაღებული მხარდამჭერები დაუჭერენ მხარს, სუს-ს კი არ იცის დღე და საათი და აცხადებს, რომ საქართველოში ხელისუფლების დამხობა დაგეგმილია ოქტომბერ-დეკემბერში, ანუ უახლოეს სამ თვეში!

   ვფიქრობ, დროა საქართველოს მოქალაქეებმა შექმნან სახალხო რაზმები და სიტუაცია კონტროლქვეშ აიყვანონ, თუ ხელისუფლება ამას ვერ აკეთებს! უკრაინის არმია და მამულაშვილის „ქართული ლეგიონი“ მის შემადგენლობაში წელიწადნახევარია ებრძვის რუსულ არმიას და წინ მიიწევს კიდეც, რაც იმას ნიშნავს, რომ მისთვის საქართველოს შეიარაღებული ძალების დამარცხება დღეების საქმეც არ არის!

   მაშ, რატომ ვკარგავთ დროს და გველეშაპს თავს არ ვკვეთთ?! ბოლოს და ბოლოს, რატომ ვეფოფინებით ამდენს ამ გარეწარ ნაძირალა სააკაშვილს?! ვინ არის ის, ბოლოს და ბოლოს, მეფე ერეკლე, თუ სამშობლოს მოღალატე?! როგორ დავუშვით, რომ მისი ჯალათები - არამზადა ნაცისტები, დღეს არა მარტო თავისუფლები არიან, არამედ იმუქრებიან ხელისუფლებაში დაბრუნებითა და ისევ ცოცხების უკანალში შეტენით თითოეულ ჩვენგანისთვის?!“ - წერს საქინფორმის მთავარი რედაქტორი არნო ხიდირბეგიშვილი თავის Facebook-გვერდზე 2023 წლის 18 სექტემბერს.