დიდი სჯა-ბაასის, მკვეთრი დაპირისპირებისა და საკითხის სხვა თემებით გადაფარვის მცდელობის უშედეგოდ დამთავრების შემდეგ, როგორც ჩანს, ხელისუფლებამ საპატრიარქოს უგულებელყოფის პოლიტიკა დაასრულა. პარლამენტის თავმჯდომარე დავით ბაქრაძის მტკიცებით, სანამ არსებული ხელისუფლება ქვეყნის სათავეშია, ქართულ ეკლესიასთან კონსტიტუციური შეთანხმების გადახედვა არანაირი ფორმით არ მოხდება და მართლმადიდებელ ეკლესიას განსაკუთრებული ადგილი ექნება საქართველოში.
ამასთან, ბაქრაძემ ისიც აღნიშნა, რომ „სამოქალაქო კოდექსში“ შესული ცვლილებები ქონებრივ ვალდებულებებს არ შეიცავს და ქონების საკითხის ამ ინიციატივაზე ავტომატურად მიბმა დაუშვებელია. მისი თქმით, „საკონსტიტუციო შეთანხმებით საეკლესიო ქონების განკარგვა გადაცემული აქვს ქართულ მართლმადიდებელ ეკლესიას და ეს არის თემა, სადაც ეკლესიის პოზიცია იქნება განმსაზღვრელი“.
საქინფორმი