უცხოეთი
ბენიამინ ნეთანიაჰუმ ვლადიმერ პუტინთან სატელეფონო საუბრისას უკმაყოფილება გამოთქვა ღაზის კონფლიქტთან დაკავშირებით რუსეთის პოზიციის გამო
საქართველო, 11 დეკემბერი, საქინფორმი. ბენიამინ ნეთანიაჰუმ ვლადიმერ პუტინთან საუბრისას უკმაყოფილება გამოთქვა ღაზის კონფლიქტთან დაკავშირებით რუსეთის პოზიციის გამო. ისრაელის პრემიერ-მინისტრსა და რუსეთის პრეზიდენტს შორის სატელეფონო საუბარი 50 წუთის განმავლობაში გაგრძელდა.
ნეთანიაჰუმ პუტინთან საუბრისას ასევე მკვეთრად გააკრიტიკა რუსეთსა და ირანს შორის თანამშრომლობა.
„როგორც გერმანია გაიწმინდა ნაცისტებისგან, არცერთი ნაცისტი არ არის ოფიციალურ ოფისებში – იგივე იქნება „ჰამასის“ შემთხვევაში. ისრაელი ვერ შეძლებს „ჰამასის“ ყველა წევრის განადგურებას, მაგრამ მთავარია ხელმძღვანელობის სრული ლიკვიდაცია, კონტროლისა და ძალაუფლების უარყოფა“, – განუცხადა ისრაელის პრემიერ-მინისტრმა რუსეთის პრეზიდენტს.
ისრაელის მედიის ინფორმაციით, ბენიამინ ნეთანიაჰუმ ვლადიმერ პუტინს მადლობა გადაუხადა რუსეთის მოქალაქეობის მქონე ისრაელელის ტყვეობიდან გათავისუფლებისთვის და განაცხადა, რომ ისრაელი იმოქმედებს როგორც პოლიტიკური, ასევე სამხედრო საშუალებებით ყველა გატაცებულის გასათავისუფლებლად. საუბრისას ნეთანიაჰუმ პუტინს სთხოვა, რომ რუსეთმა წითელ ჯვარზე ზეწოლა მოახდინოს ღაზის სექტორში მძევლებთან წვდომის მისაღებად.
1tv.ge
