უცხოეთი
ვიქტორ ორბანმა რეჯეფ თაიფ ერდოღანს ცხენი აჩუქა, ორბანმა კი ერდოღანისგან თურქული წარმოების პირველი ელექტრომანქანა მიიღო საჩუქრად (ვიდეო)
საქართველო, 19 დეკემბერი, საქინფორმი. ბუდაპეშტში ვიზიტით მყოფმა თურქეთის პრეზიდენტმა, რეჯეფ თაიფ ერდოღანმა და უნგრეთის პრემიერ-მინისტრმა, ვიქტორ ორბანმა საჩუქრები გაცვალეს (ვიდეო იხ. აქ).
უნგრეთის ლიდერმა სტუმრად მყოფ თურქეთის პრეზიდენტს ცხენი აჩუქა სახელად „ნონიუსი“. თავის მხრივ, ერდოღანმა ვიქტორ ორბანს თურქული წარმოების პირველი ელექტრომანქანა „ტოგი“ აჩუქა.
როგორც გავრცელებულ ფოტოებზე ჩანს, თურქეთის პრეზიდენტის მიერ ნაჩუქარი მანქანის ნომრებია HUTR-100, რაც სიმბოლურად თურქეთ-უნგრეთის ურთიერთობების დამყარების 100 წლისთავს უკავშირდება.
ერდოღანი ბუდაპეშტში დღეს ჩავიდა. ის უნგრეთ-თურქეთის მაღალი დონის სტრატეგიული თანამშრომლობის საბჭოს სხდომას დაესწრება.
1tv.ge
