საქართველო, 19 ნოემბერი, საქინფორმი. აშშ-ის სახელმწიფო დეპარტამენტის უფროსი მრჩეველი ჯონათან ასკონასი საქართველოში იმყოფება, რათა განიხილოს, თუ როგორ შეუძლია ქვეყანას მხარი დაუჭიროს „ტრამპის მარშრუტს საერთაშორისო მშვიდობისა და კეთილდღეობისთვის" (TRIPP), რომლის ინიცირებაც აშშ-მ მის მიერ მხარდაჭერილი სომხეთსა და აზერბაიჯანს შორის მშვიდობიანი სამიტის შემდეგ მოახდინა.

საქართველოში აშშ-ის საელჩოს ცნობით, სახელმწიფო დეპარტამენტის წარმომადგენელma „სადახლოს“ საბაჟო -gამშვები პუნქტი (სომხეთის საზღვარი) დაათვალიერა, რომლის მშენებლობა და აღჭურვა დიდწილად შესაძლებელი გახდა აშშ-ის მხარდაჭერით.

ვიზიტის ფარგლებში ის ასევე შეხვდება საქართველოს საგარეო საქმეთა სამინისტროს, საქართველოს მთავრობის ადმინისტრაციის და საერთაშორისო ფინანსური ინსტიტუტების წარმომადგენლებს.

შეგახსენებთ, რომ 8 აგვისტოს, ვაშინგტონში, სომხეთის, აშშ-ის და აზერბაიჯანის ლიდერებმა ხელი მოაწერეს ერთობლივ დეკლარაციას, რომლიც კონფლიქტის მშვიდობიანი გზით მოგვარებას ითვალისწინებდა.

ტრამპის მარშრუტის ფარგლებში (TRIPP) ფარგლებში, სომხეთი შეერთებულ შტატებს 99 წლამდე ვადით 741-ე მარშრუტის განვითარების ექსკლუზიურ გრძელვადიან უფლებებს მიანიჭებს (სომხური კანონმდებლობის შესაბამისად იმოქმედებს), რომლითაც აზერბაიჯანს ნახიჩევანთან სახმელეთო კავშირის დამყარების იმდი აქვს. ამერიკული მხარე მიწის ქვეიჯარით გადაცემას გეგმავს კონსორციუმისთვის, რომელიც ინფრასტრუქტურასა და მართვაზე პასუხისმგებელი.