საქართველო, 16 ივნისი, საქინფორმი. სომხეთის რესპუბლიკაში ჩატარდება ყოველწლიური სამხედრო წვრთნები Eagle Partner-2026 ჩრდილოატლანტიკური ალიანსის (ნატო) სამ ქვეყანასთან — საბერძნეთთან, აშშ-სა და საფრანგეთთან ერთად. ამის შესახებ ინფორმაცია რესპუბლიკის თავდაცვის სამინისტროს ვებგვერდზეა განთავსებული. „წვრთნების მსვლელობისას დამუშავდება სამშვიდობო ამოცანების მომზადებისა და შესრულების უნარ-ჩვევები“, — ნათქვამია მასალაში.

უწყების ინფორმაციით, სომხეთის რესპუბლიკიდან მონაწილეობას მიიღებს 250 სამხედრო მოსამსახურე, აშშ-დან — 58, საფრანგეთიდან — 24, ხოლო საბერძნეთიდან — 11. მანამდე სომხეთის პრემიერ-მინისტრმა ნიკოლ ფაშინიანმა ნატოს გენერალურ მდივანთან, მარკ რუტესთან თანამშრომლობის გაღრმავების საკითხი განიხილა.