თბილისი, 26 სექტემბერი, საქინფორმი. საპარლამენტო ფრაქციის – „ერთობა სამართლიანობისთვის“, წევრი დიმიტრი ლორთქიფანიძე წუხელ ლაგოდეხთან, საქართველო-აზერბაიჯანის საზღვარზე, მომხდარ ინციდენტზე საგარეო უწყებას დაუყოვნებლივ რეაგირებას სთხოვს.

როგორც დიმიტრი ლორთქიფანიძემ ჟურნალისტებს განუცხადა, დღეს, გამთენიისას, ზაქათალას რაიონის სოფელ ალიაბადის პირველი საშუალო სკოლის ქართული სექტორის დაწყებითი კლასების მასწავლებელი ელინათი საფაროვა დაუკავშირდა და დახმარება სთხოვა.

საფაროვას ინფორმაციით, გუშინ საზღვარზე აზერბაიჯანელებმა მას ჩამოართვეს მეორე კლასის ქართული სახელმძღვანელოები, მათემატიკის სახელმძღვანელოს 54 ეგზემპლარი და ქართული სამუშაო რვეულები.

მისივე განცხადებით, აღნიშნული ქმედება მიმართულია ქართული სექტორების დახურვისკენ იმ საბაბით, რომ არ არსებობს ქართულ ენაზე სახელმძღვანელოები.