საქართველო, 12 აგვისტო, საქინფორმი. საქართველოს შინაგან საქმეთა სამინისტრომ საგზაო უსაფრთხოების ახალი სტრატეგია წარადგინა, რომელიც ავტოსაგზაო შემთხვევების შემცირებასა და მგზავრთა უსაფრთხოების ამაღლებას ისახავს მიზნად.

სამინისტროს წარმომადგენელთა განცხადებით, „ახალი სტრატეგიით გათვალისწინებულია ავტომობილის უკანა სავარძელზე უსაფრთხოების ღვედების გამოყენების საკანონმდებლო ვალდებულება, ასევე სკოლამდელი ასაკის ბავშვებისთვის სპეციალური სავარძლების სავალდებულო დანერგვა“. შინაგან საქმეთა მინისტრის ვახტანგ გომელაური-ს უწყების ცნობით, „ახალბედა მძღოლებისთვის დაწესდება სპეციალური გამოსაცდელი პერიოდი და მკაცრი სამართლებრივი მექანიზმები საგზაო მოძრაობის წესების დარღვევის თავიდან ასაცილებლად“.