საქართველო, 26 ოქტომბერი, საქინფორმი. მიმდინარე წელს უკრაინელებმა რუსეთში თავშესაფარი სხვა უცხოელებზე ხშირად მოითხოვეს, იუწყება რუსეთის შინაგან საქმეთა სამინისტრო.

ნახევარი წლის განმავლობაში სულ 2 562 მიმართვა შევიდა, საიდანაც 1 386 უკრაინიდანაა, 427 – სირიიდან, ხოლო 97 – ავღანეთიდან. თავშესაფარს ასევე ითხოვდნენ ირანის, უზბეკეთისა და ყაზახეთის მოქალაქეები.

ამასთან, გასულ წელს მსგავსი თხოვნით 8 820-მა ადამიანმა მიმართა, მათგან 4 111-მა პირველ ექვს თვეში. ყველაზე მეტი განცხადება უკრაინელებისაგან (1 140) და სირიელებისაგან (1 841) შევიდა.

აღსანიშნავია, რომ 2022 წლიდან დღემდე რუსეთში თავშესაფარი 93 ათასზე მეტმა უკრაინის მოქალაქემ მოითხოვა.